Proud nga ginwagayway ni Jordan Clarkson ang hayahay sang Pilipinas sa parada sang New York Knicks matapos nagkampyon sa 2026 National Basketball Association (NBA).
Si Clarkson amo ang labing-una nga Filipino-American player nga nangin champion sa amo nga liga.
Makit-an man nga may mga Pilipino nga nagdala sang Philippine flag samtang naga-upod sa selebrasyon sang kampyonato sang Knicks nga ila nakuha sa una nga tion sa masobra 50 ka tuig sa NBA history.
Sang offseason, nagpirma si Clarkson sa Knicks para sa one-year veteran minimum deal. May average siya nga 8.6 points, 1.8 rebounds, kag 1.3 assists per game subong nga season.
Naka-amot siya sang two points sa sais minutos sini nga hampang sa Game 5 sang Finals kun sa diin ginlutos nila ang San Antonio Spurs.
Nahibaluan nga pila ka beses man nga naghampang si Clarkson para sa Gilas Pilipinas.
Nag-upod siya sa national team sa 2023 FIBA Basketball World Cup nga ginhiwat diri mismo sa Pilipinas. Nangin standout scorer siya para sa team nga may average nga 26.0 points, 5.2 assists, kag 4.6 rebounds sa lima ka hampang. Nakakuha man siya sang special one-time exemption halin sa NBA agud mag-upod sa Philippine national team sa 2018 Asian Games.
