Nakigkita si Pope Leo XIV sa Brothers of the Christian School sang Pilipinas ukon kilala man bilang De La Salle Brothers.
Nanguna sa delegasyon sang Lasallian Brothers sa Vatican ang superior general kag former Department of Education Secretary nga si Bro. Armin Luistro.
Ini nga meeting ang may kaangtanan sa ika-300 nga anibersaryo sang papal recognition sa De La Salle Brothers kag ika-75 nga anibersaryo sang pagdeklara kay St. John Baptist De La Salle bilang patron sang mga Kristiyanong nga manunudlo.
Sa amo nga pagsinapol, nagpangabay ang Santo Papa sa mga bisita nga magpadayon sa ila misyon sa paghatag sang Christian education sa mga kabataan.
“After three centuries, it is wonderful to see how your presence continues to carry the freshness of a rich and far-reaching educational reality, through which, still today and in various parts of the world, you devote yourselves to the formation of young people with enthusiasm, fidelity, and a spirit of sacrifice,” kabahin sang pahayag sang bag-o lang na-eleher nga Santo Papa.
Ginpakigbahin man sang Catholic Bishops’ Conference of the Philippines (CBCP) ang laragway kun sa diin kaupod ni Pope Leo XIV si Luistro.
Sa Pilipinas, ang Lasallian Brothers amo ang nagapadalagan sang De La Salle Philippines educational network lakip na ang pinakadumaan sini nga constituent nga amo ang De La Salle University.#
(Handout photo/Vatican Media)
