Plano ni Mamamayang Liberal Rep.-elect Leila De Lima nga mangin parte sang minority bloc sang kamara bilang miyembro ukon minority leader.
Ginhimo ni De Lima ang pahayag kadungan sang proklamasyon sang mga nagdaug nga party-lists sa 2025 midterm elections.
Apang gin-athag naman ni De Lima nga kinahanglan anay niya nga tun-an ang dynamics sang mga mamalidha sa 20th Congress kag tun-an kun ano nga komitiba ang pinakamaayo nga pamunuan niya bilang chairperson.
Natalana nga makigsapol si De Lima sa kaalyado nga grupo sang partido nga kalakip sa oposisyon para planuhan ang ila nga mangin masunod nga tiikang sa Kongreso.
