Ginkumpirmar sang Armed Forces of the Philippines (AFP) nga nagpatigayon sang ika-anum nga Bilateral Maritime Cooperative Activity (MCA) ang mga militar kag coast guard sang Pilipinas kag Estados Unidos sa kadagatan sang Palawan kag Occidental Mindoro.
Ini ang una nga tion nga nag-ugyon ang US Coast Guard (USCG) kag Philippine Coast Guard (PCG) sa isa ka Maritime Cooperative Activity nga nagapakita sang kooperasyon sang bug-os nga nasyon sa patag sang maritime security.
Ang aktibidad ginpatigayon upod sa pagbinuligay sang US Indo-Pacific Command (USINDOPACOM), Philippine Coast Guard, US Coast Guard, kag Armed Forces of the Philippines.
Gamit sa nasambit nga aktibidad amo ang mga masunod nga assets sang Pilipinas:
Philippine Navy: BRP Ramon Alcaraz, BRP Domingo Deluana, kag AW109 naval helicopter
Philippine Air Force: Super Tucano kag Sokol helicopters
Philippine Coast Guard: BRP Melchora Aquino kag BRP Malapascua
Ang mga aktibidad ang ginpatuman agud mapabakod pa ang kapasidad sang Pilipinas kag Estados Unidos sa surveillance kag operational coordination
Suno kay Armed Forces of the Philippines (AFP) Chief General Romeo Brawner Jr., samtang padayon nga ginaatubang sang Pilipinas ang nagakatabo sa kadagatan, ang mga joint activities pareho sang MCA (Maritime Cooperative Activity) nagapamatuod sang katuyoan sang AFP nga i-modernisa ang ila mga ikasarang kag palig-onon ang mga alyansa sa depensa para maprotektahan ang national kag regional nga interes sa kadagatan sang pungsod.
