Nagapangayo subong sang hustisya ang isa ka pamilya matapos napatay ang ila duha ka mga poodles sa isa ka dog training facility sa Marikina.
Napatay ang mga ido kag ginlubong nga wala ginpahibalo ang tag-iya.
Nagligad pa ang isa ka semana antes sila ginsugiran sa natabo sa mga ido.
Ginsiling sang trainer nga heatstroke ang rason sang kamatayon sang mga ido apang nakit-an sa itsura sang mga ido nga gin-abuso ini.
Ginpahayag man nga nautod pa ang ulo sang isa ka ido.
Natalana naman nga magpasaka sang criminal charges ang Philippine Animal Welfare Society (PAWS) kun sa diin natukiban man nga indi rehistrado ang pasilidad.
