May mixed movement sa presyo sang produktong petrolyo sa masunod nga semana.
Sandig sa apat ka adlaw nga trading sang Mean of Platts Singapore kag mga development sa international oil market, yari ang ginabanta nga adjustments suno sa Department of Energy-Oil Industry Management Bureau:
Gasoline – rollback sang P0.15 per liter ukon may pagsaka nga tubtub sa P0.30 per liter
Diesel – wala sang adjustment ukon may rollback nga tubtub sa P0.40 per liter
Kerosene – rollback nga P0.20 tubtub sa P0.40 per liter
Lakip sa gin-cite nga factors sa adjustments amo ang progress sa US-Iran nuclear deal; nagatahaw nga global US-China trade tensions; dugang nga crude oil storage capacity halin sa Export Terminal sang Iran.
Matandaan nga sang Martes, may big-time hike man sa presyo sang gatong: P1.70 sa diesel, kag P1.20 per liter sa gasoline kag kerosene.
Gina-anunsyo ang final adjustment sa kada Lunes kag ginapatuman epektibo sa kada Martes.
