Nagpasalamat Iloilo City Mayor Jerry Treñas sa tanan nga nagsuporta sa Team Uswag sang nagligad nga May 12, 2025 midterm elections.
Sa interview sang Bombo Radyo kay Treñas, iya ginpahayag nga ang apisar sang pagkalutos ni Vice Mayor Jeffrey Ganzon sa pagpapili sini liwat sa pagka-bise alkalde sang syudad, makit-an sa gihapon ang kakusog sang Team Uswag.
Suno sa alkalde, natapos na ang eleksyon kag tion na agud nga magtrabaho kag magserbisyo sa mga Ilonggo.
Nagalaum man ang natungdan nga mangin matalunsay ang trabaho sang iya anak nga si Mayor Elect Raisa Treñas kaupod ang mga konsehal lakip na si Vice Mayor Elect Love-love Baronda.
Dugang sini nga ini ang para sa kaayohan sang syudad kag indi ini matuman kon wala sang pagbinuligay sa isa kag isa.
Handa naman ang alkalde nga magbulig sa pagpasanyog sang syudad apisar pa nga wala na siya sa pwesto.
