Ginkwestyon ni Akbayan Party-list Representative Perci Cendaña si Senate President Francis “Chiz” Escudero tuhoy sa padayon nga pagpa-delay sang impeachment trial batok kay Vice President Sara Duterte.
Suno kay Cendaña, kada adlaw nga delay, nagahatag ini sang mensahe nga ang liderato sang Senado posible nga nahadlok kay Vice President Duterte — ukon, mas malala pa, ginaprotektahan siya.
Si Cendaña isa sa mga kongresista nga nag-endorso sang una nga impeachment complaint batok kay VP Duterte sa House of Representatives.
Gin-athag pa gid ni Cendaña nga ang pag-convene sang Senado bilang impeachment court isa ka “solemn constitutional duty.”
Suno sa iya, indi ini dapat tratuhon nga isa lang ka “seasonal accessory” nga ginasuksok lang kung luyag, kag ginabutang base sa political weather ukon personal nga interes sang mga opisyales.
Yari pamatian naton ang pahayag ni Akbayan Party-list Representative Perci Cendaña.
