Pormal na nga nagtakop ang imbestigasyon sang committee sa Kamara nga nagtutok sa ginaalegar nga confidential fund (CF) misuse sa mga opisina ni Vice President Sara Duterte.
Naghimo sang mosyon si Abang Lingkod party-list Rep. Joseph Stephen Paduano, kag sang may nag-segunda, gin-aprubahan naman ni committee on good government and public accountability kag Manila 3rd District Rep. Joel Chua.
Nangin daku nga bahin sang impeachment complaint batok kay Duterte ang ang mga napangbuyagyag sa sini nga komite.
Lakip sa pinakadaku nga napangbulgar sa mga hearing sa sini nga komitiba amo ang indi kinaandan nga mga pangalan sa acknowledgement receipts (ARs) sa confidential expenses nga ginhimo sang Office of the Vice President (OVP) kag Department of Education (DepEd).
Ang pangalan nga ini kaangay sang Mary Grace Piattos, Kokoy Villamin, kag iban pa ang lunsay wala sa database sang Philippine Statistics Authority (PSA).
Antes ang termination sang inquiry, tatlo ka mga myembro sang panel sang Disyembre ang nagpahayag nga ang Vice President kag certain officials sang OVP kag DepEd ang mahimo mangatubang sang prosecution bangud sa plunder, technical malversation of public funds, kag falsification of public documents and perjury.
