Ginduso ni Senator Robin Padilla ang hagna agud nga pasabton kag ipapreso sang tinuig ang mga empleyado sang gobyerno nga mapamatud-an nga nagabinutig ukon nagapakita sang peke nga mga ebidensya sa congressional inquiries.
Nakasaad ini sa Senate Bill Number 610 ukon ang proposed “Truthful Congressional Inquiry Act.”
Sa idalom sang hagna, mahimo mapreso sang tubtob 10 ka tuig ang government personnel nga mapamatud-an nga wala nagasugid sang kamatuoran sa tion sang imbestigasyon sang Kongreso.
Mas mabug-at pa ang silot nga tubtob 20 ka tuig nga pagkapreso kun ang involved nga personnel halin sa mga ahensya pareho sang Armed Forces of the Philippines (AFP), Philippine National Police (PNP), Philippine Coast Guard (PCG), Bureau of Fire Protection (BFP), Bureau of Corrections (BuCor), National Bureau of Investigation (NBI), Philippine Drug Enforcement Agency (PDEA), kag iban pa.
“Congress relies on factual and accurate information in crafting laws and exercising its oversight functions. Kapag nagsinungaling o gumawa ng pekeng ebidensya ang isang kawani ng gobyerno sa harap ng Kongreso, hindi lamang ang mga mambabatas ang nililinlang—ang taumbayan mismo ang nililinlang,” suno kay Padilla.
Magluwas sa pagkapreso, mahimo man sila sukton sang tubtob P3-million kag mahimo ma-disqualify sang permanente sa elective ukon appointive nga posisyon sa gobyerno.
May yara man sang restrictions sa ila eligibility para sa executive clemency ukon paghatag sang pardon ukon iban pa nga porma sang pagpasaylo sang ehekutibo.
May yara na sang mga existing nga layi nga nagadagdag sang silot sa perjury kag sa paghatag sang indi matuod nga testimonya, apang ginaduso ni Padilla nga dapat mas mabug-at ang silot sa mga personnel sang gobyerno bangud suno sa iya, ang indi matuod nga impormasyon mahimo makaapekto sa paghimo sang mga layi, pagdumala kag pagmonitor sang gobyerno, kag kaayuhan sang publiko.
“Kung humihingi tayo ng katotohanan sa ordinaryong mamamayan, higit nating dapat itong hingin sa mga taong pinapasahod ng bayan. Walang puwang ang kasinungalingan at gawa-gawang ebidensya sa isang imbestigasyong ang layunin ay malaman ang katotohanan,” dugang sang senador
