Ginakabig sang Schools Division of Iloilo City nga isa ka ‘eye opener’ ang pagnubo sang functional literacy rate sang mga estudyante.
Sa interview sang Bombo Radyo kay Ma. Luz Delos Reyes, Schools Division Superintendent sang Iloilo City, iya ginpahayag nga nagapakita lamang ang datus sang functional literacy nga kinahanglan nga hatagan sang intervention ang mga lugar nga tuman ka apektado.
Dugang sini nga luwas mahatagan balor ang early stages sang pagtuon kaangay na lamang sang mga kindergarten, grade 1, 2, kag 3, mahatagan man sang igtalupangod ang higher year level antes sila maka-gradwar.
Suno kay Delos Reyes, samtang nagahatag sang atensyon ang talatapan sa mga natungdan nga estudyante, kinahanglan man pabaloran ang mga talented kag fast learners.
Ginpahayag man sini nga may mga kabataan nga lain ang ila functional literacy kun ikumparar sa iban.
Nagapati man si Delos Reyes nga ang mga maalam mismo ang makabulig sa kapareho nila nga estudyante.
