Nagakahangawa si Vice President Sara Duterte sa sitwasyon sang mga Pilipino sa Middle East nga naipit sa away sang Israel kag Iran.
Sa video message sang bise-presidente, nagpanawagan ini sa iban nga mga Pinoy nga ipangamuyo ang ikaayo sang overseas Filipino workers (OFWs) nga apektado sang nasambit nga tension.
“The Office of the Vice President is deeply concerned about the welfare of Filipinos working and living in the Middle East as hostilities continue to escalate,” kabahin sang mensahe sang opisyal.
Dugang sini: “As a nation, we should come together in prayer for the safety of our kababayans even as we hope for the expeditious and peaceful end to the conflict.”
Naghingyo man ini sa mga overseas Filipinos nga magpabilin nga kalmado kag alerto, kag maghalong gid sa sala nga mga impormasyon, fake news, ukon mga impormasyon nga nagapatalang.
“Umiwas sa fake news, disinformation, at misinformation. Tiyaking nagmumula sa mapagkakatiwalaang media group ang mga impormasyon hinggil sa mga kasalukuyang pangyayari,” pahayag pa sini.
“Pakinggan ang payo ng mga awtoridad para sa maayos na evacuation at iba pang mga importanteng hakbang para sa inyong kaligtasan…Higit sa lahat, manatili tayong mahinahon at matatag, dala-dala ang ating pananampalataya sa Diyos at pag-asa para sa kapayapaan,” suno pa kay Sara.
Nagalaum man ang bise-presidente nga ang gobyerno sang mga nasyon nga involved sa away ang magatib-ong sang mga tikang kun sa diin nagapangibabaw ang pagka-makatawo sa tunga sang sini nga mabudlay nga tinion.
Nahibaluan nga ginpasaka na subong sang Philippine Government ang Israel kag Iran sa crisis alert level 3 nga nagakahulugan sang voluntary repatriation.
Isa ka semana na nga may baslanay sang missile strikes sa tunga sang duha ka mga pungsod. Walo na sa mga Pilipino ang nasamaran bangud sini nga away.#
