Ginpahayag ni Vice President Sara Duterte nga indi pa handa ang Pilipinas sa gyera ukon sa anuman nga “global shock” bangud wala sang direksyon ang Marcos Administration.
Ini ang ginpabutyag ni Duterte sa iya speech sa “Free Duterte Now” rally sa Melbourne, Australia kun sa diin, nag-apelar sia sa iya tagasuporta nga buligan ang iya tikang nga pagwaon sa prisohan sa The Hague ang iya amay nga si anay president Rodrigo Duterte.
Nagpabutyag man si Duterte sang iya disapproval sa pag-deploy sang Estados Unidos sang Typhon missile system sa Pilipinas.
Ginpanindugan niya nga indi dapat mag-intra ang Pilipinas kay sin-o man kag nagakadapat nga ibalanse ang foreign relations sa nagkalain-lain nga mga pungsod.
