Ginkumpirma sang Department of Justice nga may yara sang matag-as nga opisyal sang gobyerno nga involved sa pagkadula sang mga manugbulang.
Suno kay Justice Secretary Jesus Crispin Remulla, kalakip ini sang ginbuyagyag sang testigo nga si alyas ‘Totoy’.
Apang iya gin-athag nga ila ini ginaimbestigahan kag ginatun-an sang maayo.
Pahayag niya, indi ini ordinaryo lang nga kaso kag sa baylo, isa ini ka organisado nga krimen.
Matandaan nga ginsugid ni alyas ‘Totoy’ nga ang mga missing nga manugbulang ang ginpatay kag ginlubong sa porsyon sang Taal Lake.
Dugang niya, indi lamang raw 34 ka manugbulang ang missing kundi kapin 100.
