Ginbulgar sang isa ka suspek nga may isa ka popular nga babaye nga showbiz personality nga lakip sa “alpha members” nga involved sa pagkadula sang 100 ka mga manugbulang sang 2021.
Ini ang santo sa panaysayon ni alias “Totoy” nga isa sa akusado sa amo nga kidnapping case.
Ini nga pangalan sang artista ang nalakip sa affidavit ni Totoy nga natalana nga ipasa sa awtoridad.
Nagpamalibad anay ang suspek nga isapubliko ang pangalan sang artista subong, apang suno sa iya, nagatambong ang babaye sa kada meeting. Posible suno sa iya nga isa ini sa mangin alagyan ilabi na bangud mas madamo ini sang nahibaluan. Apang, gindugang sini nga dapat nga pasakaan sang kaso ang amo nga female celebrity kaupod sa 30 ka iban pa mga sibilyan kag mga pulis.
Sa subong gina-imbestigaran na sang National Police Commission (Napolcom) ang mga alegasyon ni alias Totoy lakip na ang claim sini nga ginpanglubong ang lawas sang mga manugbulang sa Taal Lake.
Suno naman kay Justice Secretary Jesus Crispin Remulla, nagapangayo na sila sang bulig halin sa Japanese government para sa gamiton nga equipment sa pag-retrieve sang bangkay sang mga manugbulang.
Nagpahayag man ang tiglikom nga tuman ka damo sang kuwarta nga yara sa mastermind nga mahimo pa gani maka-infiltrate sa mga korte sa Pilipinas.
“Ang bigat ng kalaban dito kasi ang perang iyan nakakapasok iyan even sa judiciary and that is one thing that we might have to talk with the Chief Justice about kasi mabigat ang pera ng e-sabong, hindi ito basta-bastang kalaban,” suno sa opisyal.
“Basta ang sinasabi ng mastermind, narinig ko iyong kanyang ano, in his own words, kaya natin iyan, kahit Supreme Court daw kaya niya eh sinasabi niya, kaya kakausapin natin ang Chief Justice tungkol dito,” dugang sini.
Nagpamalibad na ang tiglikom nga idetalye ang dugang nga impormasyon kaangot sa mastermind. Apang sa pahayag man sang Justice official, may police officers, government officials, kag mga indibidwal nga involved nga nagikan sa Visayas region.
