Pormal na nga ginbuksan sang Department of Migrant Workers (DMW) ang ila bag-o nga Children Learning Center sa Jeddah, Saudi Arabia.
Ginpangunahan ni DMW Secretary Hans Leo Cacdac ang opisyal nga pagbukas sang learning center para sa mga kabataan nga yara sa kustodiya sang mga Migrant Workers sa Bahay Kalinga.
Suno kay Cacdac, ini nga proyekto ang isa ka inisyatibo sang Philippine Consulate General, Migrant Workers Office, kag iban pa nga mga Filipino Community Groups kag mga OFW advocates sa nasambit nga pungsod.
Samtang, pila sa mga kabataan nga yara sa Bahay Kalinga ang nabudlayan nga makapauli bangud sa mga travel ban nga ginapangatubang sang ila mga ginikanan.
Sa subong, masobra 28 ka mga kabataan ang nagatenir sa Bahay Kalinga nga pagaserbisyuhan sang nasambit nga center.
Ginpasiguro naman ni Cacdac nga panamion kag padakuon pa nila ang Learning Center sa masunod nga bulan.
