Dakop ang isa ka High-Value Individual (HVI) sa ginpatigayon nga drug buy-bust operation sang Iloilo City Police Office – City Drug Enforcement Unit sa Brgy. Mansaya, Lapuz, Iloilo City.
Ang subject amo si Michael Jocson y Guevara, 35, single, food delivery rider, residente sang Brgy. Nabitasan, La Paz, Iloilo City.
Sa interview sang Bombo Radyo kay PCPT Roque C. Gimeno III, Chief sang CDEU, iya ginpahayag nga masobra na isa ka bulan ang pag-monitor sa subject bag-o ini natigayon nga madakpan.
Suno kay Gimeno, ginahimo na ni Guevara nga palangabuhian ang pagbaligya sang droga, kag nagakuha ini sa nagkalain-lain nga Barangay sa syudad sang Iloilo.
Natigayon nga makuha sa iya posisyon ang 60 grams sang suspected shabu nga may standard drug price nga P408,000.00.
Sa subong, yara na ini sa kustodiya sang mga kapulisan kag magapangatubang sang kaso nga pagpalas sa RA 9165 ukon Comprehensive Dangerous Drugs Act of 2002
