Ginapangitaan na sang pondo sang LGU sang Janiuay ang dalan sa Barangay Balanac nga nag-usmod.
Sa interview kay Mayor Paulino Parian, ginpahayag niya nga plano nila islan ang tamburong sang mas dako nga kabangdanan sang pag ‘erode’ sang karsada. Suno sa alkalde, kun matapos na ang ‘program of works’, posible na nila ini maumpisahan.
Dugang pa niya, may plano man siya upod kay 3rd District Representative Lorenz Noy Defensor nga tapuson kag ipasemento ang bilog nga bahin sang dalan sa lugar.
