Apat na ang na-record patay samtang masobra sa tatlo ka mga indibiwal ang pilason kasunod sang paglaslas sang Severe Tropical Storm Crising kag sang Southwest Monsoon (Habagat), suno sa report sang National Disaster Risk Reduction and Management Council (NDRRMC).
Duha sa mga napatay ang nagikan sa Northern Mindanao, kag isa sa Davao Region.
Samtang, ang tanan nga napilasan ang nagikan sa rehiyon sang SOCCSKSARGEN.
Tatlo man ka indibidwal ang na-record nga missing sa Western Visayas.
Suno sa NDRRMC, ginpaidalom pa sa beripikasyon ang mga report.
Base sa data sang ahensya naglab-ot na sa 132,835 ka pamilya ang apektado nga ginabug-usan sang 420,355 ka mga indibidwal.
Sa sini nga numero, 6,720 ka pamilya ukon 22,623 ka indibidwal ang yara sa evacuation centers samtang 5,287 ka pamilya ang temporaryo nga nagatinir sa guwa sang mga evacuation center.
Ginkumpirma sang Philippine Atmospheric, Geophysical and Astronomical Services Administration (PAGASA) nga apisar nakaguwa na sa Philippine Area of Responsibility (PAR) ang Bagyo Crising, padayon sagihapon nga makaeksperyensya sang pag ulan-ulan ang pila ka bahin sang pungsod nga dala sang Habagat.
