Masobra 15,000 ka evacuees sa syudad ang nahatagan na sang prophylaxis ukon bulong kontra leptospirosis, suno sa City Health Office.
Sa interview sang Bombo Radyo kay Dr. Mary Ann Diaz, hepe sang CHO, ginpahayag sini nga kada may pagbaha kag sa panahon sang ulan, awtomatiko nga nagahatag sila sang doxycycline prophylaxis sa mga residente nga na-expose sa tubig baha.
Gindugang pa ni Dr. Diaz nga may mga medical team man nga ginapahamtang sa mga evacuation center para mag-assess sang kondisyon sang evacuees, maghatag sang konsultasyon kag bulong nga kinahanglan.
Ginahimo man ini sa mga kabarangayan paagi sa house-to-house medical outreach.
Ginpanugyan man sang City Health Office sa publiko nga mag-inom sang prophylaxis kung nakaubog sa baha agud malikawan ang balatian nga leptospirosis.
