Patay kag halos nagseparar ang ulo sang isa ka 68-anyos nga tigulang matapos siya nga ginlabo sang isa ka lalaki sa Rodriguez, Rizal.
Suno sa report, magkaupod sa isa ka tiangge ang biktima kag 33-anyos nga suspek sang matabo ang krimen.
Ginkuhaan pa sang suspek sang video ang ginahimo niya sa tigulang.
Ginpahayag nga nangayo pa sang pasaylo ang lalaki kag ginsiling nga wala ini nakahibalo sang iya ginahimo.
May concerned citizen nga nakapangayo sang bulig sa pulis kag narespondehan ang crime scene rason nga naaresto ang suspek.
Suno sa mga awtoridad, adik ang suspek kag wala pa natumod ang iya nga motibo.
