Patay ang isa ka 75-anyos nga tigulang nga babaye matapos ginpasibangdan nga manughiwit sa Bukidnon.
Suno sa report, isa ka 37-anyos nga lalaki ang suspek sa krimen.
Base sa imbestigasyon, ginapamilit sang suspek nga ginhiwitan siya sang biktima gani ginhimo niya ini.
Nagkuha sang isa ka paklang sang lubi ang suspek kag ginlamposan sa biktima tubtob nga nalipong ini.
Matapos malipong, gintampukan sang suspek sang mga laya nga dahon ang biktima kag ginsindihan kag nasunog gid ang tigulang.
Nagsungka man ang suspek.
Duda naman ang otoridad nga wala sa husto nga paminsaron ang suspek bangud naadik man ini sadto sa druga.
