Ginbuyagyag ni former senator Cynthia Villar nga luyag na nga i-dispose sang iya bana nga si former Senate President Manny Villar ang ginapanag-iyahan nila nga PrimeWater, ang kontrobersiyal nga water service provider.
Nahibaluan nga nagapangatubang ang PrimeWater sang madamo nga mga reklamo bangud sa palpak nga serbisyo sa masobra 100 areas kun sa diin may yara ini sang joint venture agreement (JVA) sa mga water districts.
Suno kay Cynthia, ginagamit sang iban ang PrimeWater batok sa ila sa pulitika.
Suno sa iya, wala sila nagaginansya diri.
Pahayag niya, ang malawig ng interruptions kag mahigko nga tap water ang indi lang dapat ibasol sa ila bangud sa iban nga lugar, may mga isyu man sa suplay.
Ginhalimbawa niya ang water district sa San Jose del Monte sa Bulacan nga nag-angkon sang dako nga kapierdehan umpisa sang 2018 matapos nagsulod sa JVA upod sa PrimeWater bangud sa mga problema tuga sang mataas nga elevation.
Dugang niya, indi tanan ang sala sang water service provider.
Ang PrimeWater isa ka subsidiary sang Prime Asset Ventures Inc., nga ginapanag-iyahan ni Manuel Paolo nga amo ang subang nga bata sang mag-asawa nga Cynthia kag Manny.
