Nagpaandam si US President Donald Trump nga pasakaan sini sang daku ang taripa sang mga produkto halin sa India nga magasulod sa Estados Unidos sang Amerika.
Sa iya latest post, nagpahayag si Trump nga wala lamang nagabakal ang India sang dako nga amount sang langis halin sa Russia, kundi ginabaligya pa nila ini nga may dako nga ginansya. Nagpahayag man ini nga wala sang labot ang India kun pila na ka mga tawo sa Ukraine ang ginapamatay sang “Russia War Machine.”
“India is not only buying massive amounts of Russian Oil, they are then, for much of the Oil purchased, selling it on the Open Market for big profits,” kabahin sang ginsulat sini sa Truth Social. “They don’t care how many people in Ukraine are being killed by the Russian War Machine. Because of this, I will be substantially raising the Tariff paid by India to the USA. Thank you for your attention to this matter!!!”
Wala ginpatpat sang presidente kun pila iya ipasaka.
Matandaan nga sang nagligad nga semana, nagpahayag ang US nga may negosasyon pa nga nagakatabo sa tunga nila sang India matapos gin-anunsyo nga magapatuman ang Estados Unidos sang 25% nga taripa.
Una na nga nagapanawagan ang West lakip na ang US nga magdistansya ang India sa Russia bangud sang gyera sa Ukraine, apang nagapakatig-a ang India bangud sang ila nga madugay na nga relasyon sang Moscow.
