Magapatawag si President Ferdinand Marcos, Jr. sang stakeholder conference kaangot sa online gambling antes magdesisyon kun i-ban ini ukon indi.
Suno sa punong ehekutibo, mang-imbitar siya sang mga grupo lakip na ang Catholic Bishops’ Conference of the Philippines (CBCP) nga matunog nga nagaduso sa pagdumili sa online gambling.
Madamo suno kay Marcos sang mga nabatian halin sa CBCP gani nga ilakip ang mga pari kag obispo sa conference.
Yara man ang mga ginikanan kag stakeholders bangud mga kabataan ang masami nga involved sa sini nga hulubaton.
Pahayag sini, ang mga inputs halin sa conference ang gamiton agud mabalanse ang pros kag cons sang ginaproponer nga online gambling ban.
”We still have to form the policy on what we are going to do about online gambling. And to this end, I have already started to organize a… shall we, to convene a conference of those who are… all the stakeholders. We are talking about, maraming marami tayong naririnig from the CBCP,” pahayag sini.
”So, sama natin sila. Mga pari, mga obispo. The parents, of course, are stakeholders here kasi victimized demographic, ang mga kabataan. Tapos, we have to talk to the people who will, kung mag-reregulate tayo, who will be doing the regulation. The first effect of banning it fully is to put it underground. And then we have no control. ‘Yan talagang wala na tayong recognition,” dugang niya.
Nahibaluan nga may mga mamalidha nga nagaduso sa pagtapna na sa online gambling bangud ginapaadik sini ang mga tawo sa sugal.
May mga pagpang-alang-alang naman ang Department of Finance (DOF) sa proposal, kag sa baylo nga ban, ginaduso sini ang mas istrikto nga regulasyon.
Suno naman kay Marcos, ”The problem is not online gambling. The problem are the social effects on our children and those who are addicted to gambling.”
”Paano natin patitigilin ‘yan? These are the things that we are going to examine and we will come up with a plan to make sure that we address the problem,” suno sa chief executive.
Naga-contribute ang online gambling sang halos katunga sang P200 billion taxes nga makolekta sang gobyerno halin sa tanan nga gambling activities subong nga tuig.#
