Ginatapos na ni President Ferdinand Marcos Jr. ang pagsulat ang kaundan sang iya nga ikalima nga State of the Nation Address (SONA) nga ginapaabot nga magalakip sang importante nga mga anunsyo sang administrasyon.
Suno kay Palace Press Officer Claire Castro, ginarepaso na lamang sang Presidente ang katapusan nga bersyon sang iya speech nga ginapaabot nga mangin pinal na antes mag-abot ang Domingo.
Wala naghatag ang Malacañang sang madamo nga detalye, apang ginsiling ni Castro nga may mga daku nga anunsyo nga dapat bantayan sa SONA, kalakip ang pagplastar sang mga programa kag mga nahimo sang administrasyon.
“At this point, the president is nearly finished and is reviewing his speech. I can’t disclose what he may say because I haven’t seen it yet, nor have I heard what he is going to say,” suno kay Castro sa briefing.
“Many contractors have already been charged, while some may not have been charged yet because there is not yet enough evidence to file a case against them,” pahayag ni Castro sang ginpamangkot kaangot sa flood control issue.
Sang ginpadayon sa pagpamangkot kay Castro kun mahinambit ayhan sang presidente ang nagapadayon nga impeachment trial batok sa iya anay runningmate nga si Vice President Sara Duterte, nagsabat ini nga wala ini gina-istoryahan subong.
Nauna na nga nagpahayag ang Palasyo nga indi magpang-hilabot si President Marcos sa impeachment proceedings kag magapabilin nga nakatutok ang iya SONA sa mga prayoridad nga programa kag mga importante nga isyu sang gobyerno.#
.){kind=link}