Wala sang pagbag-o sa bayaran nga fuel surcharge sa Septyembre.
Ini matapos gin-anunsyo sang Civil Aeronautics Board (CAB) nga Level 4 sa gihapon ang sundon kaangay subong nga Agusto.
Sa idalom sini, P117-P342 ang bayaran nga fuel surcharge sa local nga mga byahe; samtang kun magakadto naman sa luwas sang pungsod, P385 tubtub sa P2,867 ang kinahanglan nga idugang.
Ang fuel surcharge amo ang dugang nga balayran sa airlines agud mabuligan ang paluparan nga maka-recover sa gasto sa fuel. Separado pa gid ini sa base fare nga amo naman ang actual amount nga ginabayaran sang pasahero para sa isa ka pulungkuan sa eroplano.
