Nagpamalibad nga magsabat sang “yes” ukon “no” ang tag-iya sang Wawao Builders nga si Mark Arevalo sang ginpamangkot ini sa Senate Blue Ribbon Committee hearing kun may yara sila sang ghost projects.
“That Wawao? Can you answer yes or no [to] ghost projects?” pamangkot ni Senate Majority Leader Joel Villanueva.
Naghipos lang si Arevalo. Ginmuno ni Villanueva kun ngaa malantaw pa ini sa iya nga abogado apisar nga simple nga huo ukon indi lang ang sabat nga ginapangayo.
Diri na kag nagsabat si Arevalo nga gina-invoke sini ang iya “right against self-incrimination.”
Nagsal-ot ang nagapanginit nga si Senate President Pro Tempore Jinggoy Estrada kun sa diin ginpasulit sini kay Arevalo ang iya ginhambal.
Sang ginsulit ni Arevalo, nagsabat si Estrada: “My God, the question of the majority floor leader is very simple. Do you have any ghost projects in any of the areas here in the Philippines? Answer!”
Diri kag nagpaathag si Arevalo nga gamiton batok sa iya ang iya pangbuy-an nga statement sa hearing sang upper chamber. May ginabasa man ini sang nagsabat sa pamangkot ni Villanueva bangud suno sa iya, ginakulbaan siya sa hearing.
Pahayag ni Villanueva: “Pambihira ka, parang tinatanong ka kung tao ka pero hindi mo alam kung tao ka!”
Nahibaluan nga isa ang Wawao Builders sa 15 contractors nga ginhingadlan ni President Ferdinand “Bongbong” Marcos nga nakakuha sang kadam-an sang flood control deals sa gobyerno. Sa Bulacan pa lamang, may 85 na ka mga proyekto ang amo nga kumpaniya nga nagabalor sang P5-billion.#
