Ginkumpirma ni Atty. Camille Sue Mae Ting, spokesperson sang Supreme Court, nga wala pa sang clearance si Justice Secretary Jesus Crispin “Boying” Remulla halin sa Ombudsman.
Isa ini ka mandatory requirement agud maka-secure sang Judicial and Bar Council (JBC) nomination para makapungko sa Office of the Ombudsman.
Magluwas kay Remulla, wala man sang clearance si PCSO Chairperson Felix Reyes.
Sa clearance nga ini gina-certify nga wala sang pending cases ang aplikante para sa pagka-Ombudsman. Base sa pagsulundan sang JBC, disqualified nga i-nominate para sa Ombudsman ukon Deputy Ombudsman ang mga indibidwal nga may “pending criminal or regular administrative cases”.
Madumduman nga may ginpasaka si Senator Imee Marcos nga kaso batok kay Remulla sa Office of the Ombudsman kaangot sa isyu sa pagdakop kay former President Rodrigo Duterte kag pagdala sa iya sa International Criminal Court (ICC) sa The Hague.
Apisar kulang sa clearance, gintugutan sila nga magsabak sa public interview sa Korte Suprema kahapon, Septyembre 2.#
