Ginapapangita na subong sang Department of Justice ang testigo nga si Orly Guteza, ginapahayag nga anay security consultant ni resigned Ako Bicol Rep. Zaldy Co.
Suno kay Justice Secretary Jesus Crispin ‘Boying’ Remulla, iya na ini ginsiling sa National Bureau of Investigation agud matukiban na ang lokasyon sang amo nga testigo.
Matandaan nga si Orly Guteza ang nagbuyagyag sang minaleta nga basura, codename sa kwarta nga ginapadala kanday former House Speaker Martin Romualdez kag Congressman Zaldy Co.
“Wala pa, but we’re asking the NBI nga to trace his whereabouts so that he can shed light on the notarization and other issues that are part of it,” pahayag ni Sec. Jesus Crispin ‘Boying’ Remulla sang Department of Justice.
Kasunod sang iya indi pagsipot sa naestoryahan kuntani nga pagkitaay nila sang tiglikom, tuyo ni Justice Secretary Remulla nga mahatagan klaro pa ang tuhoy sa iya affidavit.
