Indi pa handa ang aktor nga si Aljur Abrenica nga istoryahan kun ano ang kamatuoran sa isyu nga may duha na sila ka anak ni AJ Raval.
Ini apisar nga ang nagbulgar sini amo mismo ang amay ni AJ nga si Jeric Raval.
Suno kay Aljur, sa sunod lang ugaling ini istoryahan kag may husto gid na tion para masugid ang tanan.
“Si father Jeric, tatay ’yan eh. He always sees what is good for everyone — tama lang iyon. Para sa akin, for now, I cannot talk about it personally. I am not yet comfortable. As an individual, I prayed for it. Nakita ko, huwag muna. Everything will be unveiled in time, sa susunod,” paathag sang aktor.
Apisar sini, ginklaro niya nga nahangpan sini ang statement ni Jeric bangud “tatay” man ini, kag nakahibalo siya kun ano ang iya intensyon.
“Tatay din ’yun eh. I have big respect for him. Tatay din ‘yan. Alam niyo ‘yung complication sa mag-ama minsan kasi di natin nakikita. Sometimes kasi, mas matanda sila sa atin, they see things we do not see. Eventually, you will see. That is how I see it,” rason ni Aljur.
Ginpahayag ni Aljur nga indi man perpekto ang ila relasyon ni AJ, apang puno ini sang espasyo para sa ila nga growth bilang mga indibidwal.
Gin-athag man sang aktor nga “on good terms” sila ni Kylie Padilla samtang nga naga-co parent sa ila duha ka kabataan kag samtang nga ginaproseso ang ila nga annulment.
“Goods talaga with Kylie. OK na OK kami, we have constant communication. Napaguusapan namin updates sa bata, kamusta sila. Pag aaral nila, especially sa iPad and gadgets. Di ko kaya mag-isa. Di niya rin kaya mag-isa. Naba-balance namin,” dugang pa ni Aljur. “Sa buhay walang madali. But as long as you do it with Him and His guidance.”
