Patay ang isa ka apat ka tuig nga bata nga lalaki kag amo man ang isa ka suspek matapos nagresulta a shootout ang pagserbe sang warrant of arrest batok sa isa ka wanted person sa Brgy.San Cristobal, Calamba City, Laguna.
Duwa man ka pulis ang pilason sa insidente nga amo sanday Chief Master Sgt. Alberto Plaza kag Staff Sgt. John Principe.
Ang napatay nga bata amo si Akhiro Sañez, residente sang nasambit nga barangay sang naigo sang nagtalang nga bala.
Ang isa pa ka napatay amo si alyas “Awid” nga kaupod sang subject nga target sa operasyon.
Suno sa otoridad, samtang ginaserbe ang warrant of arrest batok sa suspek nga si Regie Abarquez nga wanted sa kaso nga homicide, nagpalupok sang pusil ang mga kaupdanan sini batok sa mga pulis.
Madasig naman nga nagbalos ang iba pa nga katapo sang kapulisan nga nagresulta sa kamatayon ni alyas Awid.
Nakapalagyo naman ang iban nga kaupdanan kalakip na ang subject.
Si Abarquez kag tatlo kaupod sini kalakip na si alyas Awid ang wanted bangud sa kaso nga frustrated murder kag gun-running activity.
