Naghatag sang tribute ang Asian Hospital and Medical Center kay Baby Aniela nga amo ang ginakilala subong nga “youngest organ donor” sa Pilipinas.
Ginakabig nga baganihan si Baby Aniela bangud nakabulig siya nga makakita ang isa ka nueve-anyos nga bata nga babaye.
Suno sa ospital, nabun-ag si Aniela nga may anencephaly, isa ka indi-kinaandan nga kondisyon kun sa diin wala naga-develop sang maayo ang utok kag skull sang bata.
“Her mother, Karina, knew from the start that her daughter’s time would be heartbreakingly short lived. Yet, in the midst of unimaginable pain, Karina chose to turn loss into life — by donating Aniela’s eyes to give others the chance to see,” kabahin sang post sang ospital.
Ginhatag ang mata ni Baby Aniela kay Nikki nga nabun-ag naman nga may congenital glaucoma. Paagi sa mga mata ni Baby Aniela, nahatagan sang oportunidad si Nikki nga makit-an ang katahum sang kalibutan.
“Aniela’s short but meaningful life continues to inspire. She is remembered as the country’s youngest organ donor, a symbol of hope, generosity, and love,” pahayag pa sa post sang ospital.#
