Gindesignar ang tatlo ka mga miyembro sang Gabinete agud mangin caretakers sang gobyerno sang Pilipinas samtang nga yara sa luwas sang pungsod si President Ferdinand “Bongbong” Marcos, Jr.
Ini amo sanday Executive Secretary Lucas Bersamin, Education Secretary Sonny Angara, kag Agrarian Reform Secretary Conrado Estrella III.
Subong nga aga, Oktubre 24, naglakat si Marcos padulong sa Malaysia para magtambong sa 47th ASEAN Summit and Related Summits nga naka-schedule sa Oktubre 26-28.
Suno kay Department of Foreign Affairs (DFA) spokesperson Angelica Escalona, ginalauman nga iduso ni Marcos ang mga interes sang Pilipinas kadungan sang mga aktibidad kun sa diin nalakip ang 14 leaders-level meetings kag tatlo ka signing ceremonies.
Ini nga seremonya nagalakip ang Declaration on the Admission of Timor-Leste sa ASEAN bilang 11th member, Signing of the Second Protocol To Amend the ASEAN Trade in Goods Agreement, kag ASEAN-China Free Trade 3.0 Upgrade.
May patigayunon man nga bilateral meetings kaupod sa iban nga mga lider sa Southeast Asia.#
