Nagpangayo ang Department of Education (DepEd) sa Kongreso sang separado nga pondo para sa school safety kag learner protection.
Ini samtang nga gina-istoryahan subong sa Kamara ang proposed P7.2-trillion national budget para sa 2027.
Suno kay Education Secretary Sonny Angara, nagakoordinar ang DepEd sa mga mamalidha agud makapain sang separado nga budget line item sa masunod nga national appropriations.
Ginpahayag ni Angara nga dapat eksklusibo ini nga pondo sa pagproteher sang mga estudyante, mga manunudlo, kag school personnel. Wala pa ginpahayag sang DepEd kon pila ang ila ginapangayo nga budget.
“Ang kaligtasan ng ating mga mag-aaral ay nangangailangan ng patuloy at sapat na pamumuhunan. Kaya sa panukalang 2027 budget, nakatutok tayo sa pagpopondo sa seguridad, crisis preparedness, emergency response, training ng ating mga tauhan, at pangkalahatang learner support bilang magkakaugnay na prayoridad,” suno kay Angara.
Lakip sa pagagamitan sang pondo amo ang pagdugang sang security guards, school counselor associates, closed-circuit television ukon CCTV systems, perimeter fences, kag walk-through kag handheld metal detectors.
Ginapangabay man sang DepEd ang local government units ukon LGUs nga gamiton ang Special Education Fund para sa gilayon nga mga kinahanglanon sa seguridad sang mga eskwelahan.
Suno kay Angara, ang existing Maintenance and Other Operating Expenses (MOOE) nagasakop sang pangkabilogan nga kinahanglanon sang mga eskwelahan apang masami ini nagakadto sa balayran sa kuryente kag tubig, instructional supplies kag administrative expenses.
Bangud sini, kulang ang pondo para sa physical security equipment kag specialized personnel.
Suno pa kay Angara, kon himuon nga separado nga budget line item ang school security, mas mapa-dali kag mas organisado ang pag-atubang sa security needs sang kada eskwelahan.
“Presently, most schools rely on MOOE. Since MOOE varies depending on the size of the school, the capacity to implement security will be unequal. If this becomes a line item, we will be able to address the security needs of every school faster and more organized,” pahayag sini.
Dugang pa sang DepEd, naghalin ang proposal sa nationwide school safety audit sa nakit-an nga sulit-sulit nga kakulangan sa seguridad kag mga risgo sa safety sa mga basic education institutions.
Una na nga gin-aprubahan sang Department of Budget and Management (DBM) ang P976-billion nga pondo para sa DepEd para sa 2027.#
 sa Kongreso sang separado nga pondo para sa school safety kag learner protection.){kind=link}