Pormal na nga nagpasaka sang diplomatic protest ang Department of Foreign Affairs (DFA) batok sa Chinese state media nga China Daily bangud sa ginpahayag nga racist nga paglaragway sa mga Pilipino sa ila mga op-ed videos kag cartoons.
Suno sa DFA, naglapaw na ang China Daily sa lehitimo nga diskusyon sa pulitika matapos nga magpagwa sang mga video kag karton nga nagapakita sang “demeaning, dehumanizing, and racist depictions” sa mga Pilipino.
Sa video, ginpakita ang isa ka amo nga may suksok nga Barong Tagalog kag salakot nga nagasimbolo sa Pilipinas.
Ginpakita man ang kamot nga may pangalan nga Estados Unidos kag Japan kag daw kaangay nga ginapakita sini nga ginadiktahan sang duha ka pungsod ang Pilipinas.
Makit-an man ang papel nga may nakabutang nga “South China Sea Arbitration Award.”
Ginpakita man sang ulihi nga gina-water cannon sang China Coast Guard ang amo.
Una na nga ginkondenar sang Department of National Defense ang amo nga AI-animated video.
