Epektibo na subong nga sa aga, Oktubre 28, ang panibag-o nga pagsaka sa presyo sang produktong-petrolyo.
Base sa advisories sang oil companies, nagsaka sang P1.20 ang presyo sa kada litro sang gasolina; P2.00 sa kada litro sang diesel; kag P1.70 kada litro sang kerosene.
Matandaan nga sa projection sang price hikes nga ginpaguwa sang Department of Energy-Oil Industry Management Bureau (DOE-OIMB), ginplastar nga rason ang prospects sang bag-o nga US sanctions sa Russian oil companies bangud sa gyera sa Ukraine.
Nahinambit man ang pagnubo sang US crude oil inventory bangud sa mabaskog nga refinery demand.
Sang nagligad nga semana, nagsaka ang kada litro sang gasolina sang P0.10, samtang may rollback nga P0.70 sa diesel kag P0.60 sa kerosene.#
