Ginbawian gid sang kabuhi ang isa ka bag-o ginbun-ag nga lapsag matapos ginhaboy ini sang iya lima ka tuig nga magulang sa bintana sang ikaapat nga panalgan sang ila apartment.
Natabo ini sa Vasilyevo village sa Russia.
Ginpahayag nga sang amo nga tion, duwa lang nga nabilin sa balay ang mag-utod bangud may ginkadtuan ang ila iloy.
Ginapatihan nga nagapangimon sa atensyon ang lima ka tuig nga magulang nga babaye kag indi sini luyag nga may bag-o nga bata sa ila pamilya.
Manug-isa ka bulan pa lang ang edad sang lapsag.
Gin-akusahan naman ang iloy sang pagpabaya kuna nga natabo ang trahedya kag napreso ini subong.
Padayon pa ang imbestigasyon sang otoridad.
