Nagpa-andam ang Philippine Atmospheric, Geophysical and Astronomical Services Administration (PAGASA) sa posible nga storm surge bangud sang bagyo nga Tino.
Sa advisory nga ginpagwa sang PAGASA, ginalauman nga magluntad ang storm surge sa masunod nga 48 ka oras.
Suno sa PAGASA, nalakip ang Iloilo sa mga lugar nga posible magbaha bangud sang pagsaka sang tubig sa dagat kag dala nga balod, labi na sa mga manubo nga coastal communities.
Iban pa nga lugar sa Western Visayas nga apektado kag nalakip sa advisory amo ang Capiz kag Guimaras.
Gina-abisuhan ang publiko nga magpalayo sa baybay kag kanselaron ang tanan nga maritime activities.
Ginahingyo man ang mga residente sa surge-prone areas nga magpabilin alerto kag maghanda sa posible nga baha.
