Nagtaliwan ang player sang Alas Pilipinas Men nga si Ike Andrew Barilea duha ka adlaw matapos ang iya ika-21 nga kaadlawan.
Ginpakigbahin sang national team ang masubo nga balita, apang wala gindetalye sa publiko kun ano ang rason sang kamatayon.
“The court feels emptier, and our hearts heavier. Rest easy, Alas Ike Barilea,” kabahin sang tribute sang Alas. Dugang sini, “Thank you for the laughter, the memories, and the heart you gave to the team. Heaven gained an angel, but we lost a piece of ours. Fly high, our dear Alas.”
Ini nga Negrense middle blocker ang ginpili mismo ni Alas head coach Angiolino Frigoni nga mangin kabahin sang 21-player pool sang national team sang 2025 FIVB Volleyball Men’s World Championship.
Nakahampang siya upod sa Alas Pilipinas-Cignal nga nag-compete sa 2025 AVC Men’s Volleyball Champions League sa Japan sang nagligad nga Mayo.
