Patay ang 11 ka mga tawo matapos ang shooting incident nga natabo sa Bondi Beach, Australia sa ginpatigayon nga Hanukkah event, kahapon nga adlaw sang Domingo, Disyembre 14.
Suno sa mga una nga report, ginapatihan nga target sang amo nga shooting incident ang Jewish community, madamo man nga mga sibilyan ang nasamaran, lakip na ang pila ka kabataan, nga ginbulong sa nagkalain-lain nga ospital sa lugar.
Subong yara na sa idalom sang kustodiya sang mga kapulisan ang mga suspek, kag ang isa sa ila yara sa kritikal nga kahimtangan matapos maigo sang bala sa engkwentro sang kapulisan kag sang mga ini.
Padayon pa ang imbestigasyon sang otoridad agud matumod ang motibo sang krimen kag kun may iban pa nga persona sa insidente.
Suno sa mga awtoridad ang nagluntad nga shooting incident amo ang pinakaulihi nga mass shooting nga narecord sa Australia sa sulod sang 29 ka tuig.
Ginakondena naman sang gobyerno sang Australia ang nasambit nga insidente kag gin-athag nga pabaskugon pa gid ang mga security measures.
