Ginapanan-aw nga magalab-ot sa halos four million metric tons (MT) ang iga-procure nga bugas sang Pilipinas sa 2026.
Ini bangud maga-resume na ang rice importation sa Enero kasunod sang apat ka bulan nga importing ban nga ginpatuman sang gobyerno agud nga mapabilin nga estable ang farm-gate prices sang humay sa pungsod.
Suno kay Agriculture Secretary Francisco Tiu Laurel Jr., magadangat ang import volumes sa tunga-tunga sang 3.6 million kag 3.8 million metric tons.
Lakip sa ginakonsiderar nga factor amo ang forecast sang Department of Agriculture (DA) nga magalab-ot sa 20.3-million MT ang palay production sa masunod nga tuig.
Ini ang pareho man sa target kuntani subong nga tuig, apang indi malab-ot bangud sa epekto sang mga pagbaha kag iban pa nga problema dala sang mga bagyo.
Kun mag-umpisa naman ang rice importation sa Enero tubtub sa Pebrero, limitahan lamang ini sa 17 ka mga pantalan sa bilog nga pungsod. Lakip diri ang Manila, Batangas, Tacloban, Bacolod, Iligan, Cagayan de Oro, Davao, Zamboanga, Cebu, Iloilo, Capiz, Tagbilaran, Dumaguete, Subic, Calbayog, General Santos, kag ang Tabaco.
 ang iga-procure nga bugas sang Pilipinas sa 2026.){kind=link}