Nagpagwa ang Department of Education sang year end incentive para sa 1 million sini nga kwalipikado nga empleyado nga kaangay sang regular, contractual kag co-terminus nga na-appoint sa nagkalain-lain nga talatapan.
Suno pa sa DepEd nga makabaton ang mga manunudlo kag mga non-teaching personnel sang P20, 000 Service Recognition Incentive (SRI) kag P5,000 Productivity Enhancement Incentive (PEI).
Magabaton man ang mga non-teaching staff sang dugang nga 10,000 sa idalom sang Collective Negotiation Agreement incentive.
Samtang ang mga contract of service kag job order workers ang makabaton sang P7,000 bilang gratuity pay kag nakadepende sa kadugayon sang ila trabaho.
Suno pa kay Education Secretary Sonny Angara nga ang insentibo nga ini kabahin sang ila nga pagtinguha nga kilalahon ang sakripisyo kag obra sa pampubliko nga edukasyon sa Pilipinas.
