Lauman ang mixed movements sa presyo sang produktong petrolyo sa masunod nga semana.
Suno sa Department of Energy – Oil Industry Management Bureau, kasunod sang tatlo ka adlaw nga monitoring sa Mean of Platts Singapore (MOPS), yari ang posible nga adjustments antes ang Bag-ong Tuig:
Gasolina – posible nga may rollback nga P0.50
Diesel – no adjustment
Kerosene – posible magsaka sang P0.10
Wala pa nalakip sa sini nga estimates ang operating cost sang oil companies kag iban pa nga premiums.
Ang downward pressure ang ginaangot sang ahensya sa global oversupply halin sa non-OPEC economies kaangay sang Estados Unidos. Ginalantaw man ang maluya nga demand bangud sang mahina nga holiday travels kag seasonal industrial demand kag wala kasiguruhan sa geopolitical tensions sa Venezuela, Ukraine kag Russia.
Gina-anunsyo sang oil companies ang opisyal nga price adjustment sa kada Lunes kag ginapatuman ini sa kada Martes sang aga.
