Naghimo sang record ang Dinagyang Festival 2026 matapos nanghatag ini sang masobra sa P21-M nga kabilugan nga balor sang papremyo sa mga tribu sang Dinagyang tribes competition nga ginakabig pinakadako nga total prize sa kasaysayan sang festival.
P11.5 million ang nabaton sang Tribu Salognon sang Jaro National High School nga kampeon sa nasambit nga kompetisyon.
Sa nasambit nga premyo, P1.5 million ang cash kag ang P10 million amo ang balor sang infrastructure projects halin sa city government.
One million cash prize naman kag three million worth of infrastructure project ang nabaton sang first runner-up nga Tribu Paghidaet sang La Paz National High School.
Cash prize nga P700,000 kag two million worth of infrastructure project ang ginhatag sa second runner-up nga Tribu Pan-ay sang Fort San Pedro National High School.
P600,000 cash prize kag one million worth of infrastructure project ang ginbaton sang third runner-up nga Tribu Taga-Baryo sang Brgy. Bo. Obrero, Lapuz.
Cash nga P500, 000 kag dugang nga P500,000 nga balor sang infrastructure project ang ginbaton kada isa sang tatlo pa nga mga tribu nga nagpasakop.
Ginakabig naman ni Iloilo City Mayor Raisa Treñas nga ang tuig nga ini amo ang most successful Dinagyang festival.
