Nagalaum si President Ferdinand “Bongbong” Marcos, Jr. nga magabisita si United States President Donald Trump sa Pilipinas para sa palaabuton nga Association of Southeast Nations (ASEAN) Summit.
Ini nga tuig amo man ang 80th anniversary sang diplomatic relations sa tunga sang Manila kag Washington.
Ginhinambit ini ni Marcos kadungan sang presentasyon sang logo sang pagkomemorar sang Philippines-US Diplomatic Relations sa Malacañang, Pebrero 9.
Katapusan nga nakabisita si Trump sa Pilipinas sang 2017 samtang naga-host man ang pungsod sang ASEAN Summit.
Ulihi naman nga nakakit-anay sanday Marcos kag Trump sa Washington D.C. sang nagligad nga tuig kun sa diin gin-istoryahan ang dugang nga taripa nga sukton sang US sa Philippine exports.
Sa anibersaryo naman sang US kag Pilipinas subong nga tuig, gina-antisipar nga iga-highlight ang masangkad kag malawig na nga military cooperation sang duha ka pungsod. Ang Pilipinas amo ang isa sa pinakamalawig na nga kaalyado sang US kun depensa ang pagahambalan sa Asia-Pacific region.
 Summit.){kind=link}