Dakop sa isa ka drug buybust operation nga ginpatigayon sang Iloilo City Police Station 10 sa Brgy. San Rafael, Mandurriao ang isa ka ginpahayag street level individual.
Ginkilala ang subject kay Alyas Mario, isa ka tricycle driver kag residente sang San Pedro, Jaro.
Sa interview sang Bombo Radyo kay PCPT. Lester Oliveros, Officer-in-charge sang Police Station 10, iya ginpahayag nga posible nga ginagamit lang ang subject sang mas dalagko nga mga drug personalities.
Base man sa ila imbestigasyon, ginapaagi pa sang mga manugbakal ang ila bayad sa isa ka online payment.
Gin-ako man ni Alyas Mario nga masami sa Brgy. Bakhaw ang ginahalinan sang supply sang iya droga.
Nahibaluan nga yara sa 2 grams ang nakumpiskar nga droga kun sa diin may standard drug price ini nga P13,000.
