Ginsapubliko ni Ombudsman Jesus Crispin Remulla nga may natabo nga pag-deliver sang maleta nga kuwarta sang termino pa ni anay President Rodrigo Roa Duterte.
Ginpahayag ni Remulla nga sa joint affidavit sang mga ex marines, ginatudlo sang mga ini nga may delivery sang maleta sa isa ka myembro sang Kongreso kun sa diin nakuhaan ini sang litrato.
Pahayag ni Remulla, natabo ini sang tyempo pa nga si Lord Allan Velasco pa ang Speaker sang Kamara nga natuon pa sa administrasyon ni Duterte.
Samtang, ang 18 ka persona nga ginahingadlan nga mga “bagmen” ni anay Ako Bicol party-list Rep. Zaldy Co nag-ako nga nakadeliver ang mga ini sang P805 bilyon nga kickback halin sa ginapatihan nga anomalya sa flood-control projects sa pila ka indibidwal.
Ginpahayag ni Remulla nga indi gid tanan nga detalye sa mga litrato ang insakto, kag posible nga may ara sang manipulasyon nga nagakatabo.
Suno kay Remulla, importante nga mapamatud-an ang ginpahayag sang mga personalidad base sa ila personal nga nahibaluan.
Ginpunto man sini nga indi tanan nga 18 ka persona ato sang tion nga gin-deliver ang gina-alegar nga maleta.
Dugang pa sini nga seryoso ang mga alegasyon kag kinahanglan ini nga pamatud-an sang mga tawo nga mismo nakasaksi sang natabo.
