Nagpangabay ang Pilipinas sa Iran nga ikonsiderar ang pungsod nga isa ka “non-hostile country” agud nga masiguro nga hilway sa ano man nga pagpang-atake ang mga shipping vessels sang pungsod nga magalabay sa Strait of Hormuz samtang nagapadayun ang gyera sa Middle East.
Ini matapos ang ginpatigayon nga pagsinapol sang pila ka mga opisyal sang Pilipinas sa pagpanguna ni Department of Foreign Affairs (DFA) Secretary Tess Lazaro kay Iranian Ambassador to the Philippines Yousef Esmaeilzadeh.
Suno kay Palace Press Officer Undersecretary Atty. Claire Castro, nagpalab-ot man sang positibo nga sabat si Esmaeilzadeh nga handa sila nga magbulig ilabi na sa suplay sang langis, samtang ini amo ang nagpahayag nga ipaagi gid sa iban pa nga mataas nga opisyal ang nasambit nga diskusyon.
Nahibaluan nga padayun nga nagaubra sang tikang kag diskusyon ang Pilipinas kun sa diin magapakig-angot man si Lazaro sa Foreign Minister sang Iran agud nga mas mapasangkad ang relasyon sini sa nasmabit nga pungsod ilabi na subong nga padayun pa nga nagasaka ang presyo sang gatong.
