Ginpanawagan ni Catholic Bishops’ Conference of the Philippines (CBCP) president Archbishop Gilbert Garcera sa mga diocese sa Pilipinas nga magpatigayon sang prayer vigil sa Sabado, Abril 11.
Kasunod ini sang pahayag ni Pope Leo XIV sa iya Urbi et Orbi ukon “to the city [of Rome], to the world” Easter Message sa Vatican nga magapanguna siya sa special prayer vigil for world peace sa St. Peter’s Basilica sa weekend.
Sa panawagan sang CBCP, gin-apelar sa mga simbahan ang pag-upod sa himuon sang Santo Papa paagi sa Eucharistic Adoration, Holy Rosary, selebrasyon sang Holy Mass for Peace, kag iban pa nga nagakaigu nga liturgical kag devotional gatherings.
“In a world increasingly marked by conflict and the “globalization of indifference,” the Holy Father has invited the entire Church to unite in prayer, urging all to implore the gift of peace and to renew our commitment to dialogue, reconciliation, and nonviolence,” suno kay Archbishop Garcera sa Circular 26-04 nga ginpa-gwa subong nga Martes.
“In communion with the Holy Father, we respectfully encourage all dioceses to organize a prayer vigil on April 11, at any suitable time of the day, so that the faithful may join this spiritual activity,” dugang sini.
Pahayag pa sang Arsobispo, kun himuon ang collective act of prayer, wala lamang ginapabutyag ang pag-isa sa Santo Papa kundi gina-isa man ang paglaum para sa kalinong nga amo ang magapangibabaw sa kalibutan.
Matandaan nga sa Easter Message sang Pope, nagpanawagan ini sang mga lider sang mga nasyon nga isikway na ang mga armas, untatan ang gyera, kag pili-on ang kalinong.
Wala sang ginpangalanan nga nasyon ang American Pope, apang antes sang Easter, makapila ka beses ini nga nagpanawagan sang ceasefire sa Middle East.#
